برنامج محاسبة بقيود مزدوجة حقيقية
مش أرصدة بتتعدل. كل حركة في المحل بتتقيد قيد محاسبي متزن لوحدها، وتقاريرك بتطلع من الدفاتر نفسها.
الدفاتر
- شجرة حسابات جاهزة تقدر تزوّد عليها، وقيود يومية مرقمة.
- قيد تلقائي من كل فاتورة بيع وشراء ومرتجع وسند وتحويل، من غير شغل يدوي.
- القيد المرحّل ما بيتعدلش: الغلط بيتصحح بقيد عكسي، فالدفاتر تفضل سليمة قدام أي مراجعة.
- إقفال شهر وإقفال سنة، وأرصدة افتتاحية للعملاء والموردين والخزن.
العملاء والموردين
- كشف حساب لكل عميل ومورد، وأعمار الديون بالفواتير المفتوحة.
- حد ائتمان لكل عميل، وإيقاف الآجل عن المتأخر في السداد لو حبيت.
- سندات قبض وصرف بتسدد فواتير محددة، وخصم تعجيل وضريبة خصم وتحصيل.
الخزنة والبنوك
- أكتر من خزنة وحساب بنكي، وتحويل بينهم.
- شيكات واردة وصادرة: تحت التحصيل، اتحصل، ارتد.
- تسوية مبيعات الفيزا مع البنك وعمولتها.
الضرايب
- ضريبة القيمة المضافة بتتحسب على كل سطر، وإقرار الفترة بيتراجع على الدفاتر قبل ما يطلع.
- ملفات فواتير القيمة المضافة ونموذج 41 بصيغة الرفع على بوابة مصلحة الضرائب.
- لو المنشأة مش مسجلة في القيمة المضافة، البرنامج ما بيحسبش ضريبة على البيع.
أسئلة عن الحسابات
لازم أكون محاسب علشان أستخدمه؟
لأ. صاحب المحل بيشتغل بالفواتير والسندات العادية، والقيود بتتعمل لوحدها. والمحاسب يلاقي دفاتر كاملة يراجعها.
أقدر أطلع ميزان مراجعة وقائمة دخل؟
أيوه، ومعاهم الميزانية والتدفقات النقدية ودفتر اليومية وكشف أي حساب، وكلهم يتصدروا إكسيل أو PDF.
ينفع أكتر من شركة على نفس البرنامج؟
أيوه، كل شركة بدفاترها وترقيمها ومستخدمينها، على نفس الجهاز.
جرّب رواج 14 يوم
بكل الأجزاء، على جهازك، ببياناتك أنت.