برنامج مخازن وجرد
رصيد كل صنف في كل مخزن معروف في أي لحظة، وتكلفته محسوبة صح، وكل حركة عليه ليها مستند.
الأصناف
- تصنيفات رئيسية وفرعية، ألوان ومقاسات، وأكتر من باركود ووحدة للصنف.
- خصائص تضيفها بنفسك لأصنافك (ماركة، خامة، موديل) وتفلتر وتطبع بيها.
- استيراد الأصناف من إكسيل، وطباعة ملصقات باركود بتصميمك.
- حد طلب لكل صنف وتقرير باللي تحت الحد.
الحركة
- مشتريات ومرتجع مشتريات، وأول المدة، وتحويل بين المخازن بخطوة أو خطوتين.
- جرد كامل أو جزئي، والفروق بتتسوى بموافقة.
- هالك وتالف بأسبابه، وإذن صرف للاستهلاك الداخلي.
- تقطيع وتعبئة: تحوّل صنف لأصناف تانية والقيمة محفوظة.
التكلفة والصلاحية
- تكلفة بالمتوسط المرجح لكل صنف في كل مخزن، وتقييم المخزون مطابق للحسابات.
- تشغيلات وتواريخ صلاحية: البيع من الأقرب انتهاء، والمنتهي ما بيتباعش، وتنبيه قبل الانتهاء.
- قراءة باركود GS1 اللي فيه رقم التشغيلة وتاريخ الصلاحية.
أسئلة عن المخازن
البرنامج بيسمح بالبيع والرصيد صفر؟
ده إعداد عندك: تسمح، تحذّر أو تمنع. ولو سمحت، التكلفة بتتصحح لوحدها أول ما فاتورة الشراء تتسجل.
ينفع أجرد والمحل شغال؟
أيوه. كل صنف بيتقارن برصيده لحظة ما اتعدّ، فالبيع يكمل وقت الجرد.
بيدعم البيع بالمتر المكعب للأخشاب؟
أيوه. المقاس بيتسجل بأبعاده، والمخزون بالقطعة والسعر بالمتر المكعب أو المربع أو الطولي أو الكيلو.
جرّب رواج 14 يوم
بكل الأجزاء، على جهازك، ببياناتك أنت.