برنامج كاشير ونقطة بيع (POS)
شاشة بيع واحدة للّمس والباركود والكيبورد والماوس. البيع سريع، والكاشير ما يقدرش يغيّر سعر أو يعمل خصم كبير من غير صلاحية.
البيع عند الكاشير
- ابحث بالاسم أو الكود أو امسح الباركود، أو اختار الصنف من لوحة أصناف بصور وألوان.
- أكتر من وحدة للصنف (قطعة، علبة، كرتونة) وكل وحدة بسعرها وباركودها.
- فاتورة معلّقة ترجعلها بعدين، وعميل على الفاتورة بحد ائتمان.
- نقدي وفيزا وتحويل وآجل، وأكتر من طريقة في نفس الفاتورة، والباقي بيتحسب لوحده.
- عروض بفترة: سعر خاص، نسبة خصم، اشتري كذا وخد كذا، ومجموعة بسعر واحد.
تحكم ورقابة
- خصم الكاشير له حد. اللي فوقه بموافقة مسؤول برقم سري، من نفس الشاشة أو من جهازه.
- المرتجع بيرجّع الفلوس بنفس الطريقة اللي اتدفعت بيها، وبيرجّع البضاعة للمخزن.
- إقفال الوردية بعدّ الدرج من غير ما الكاشير يشوف المتوقع، والفرق بيتسجل.
- تقرير لصاحب المحل بكل الاستثناءات: خصومات، إلغاءات، تغيير أسعار، ومين وافق.
الأجهزة
- طابعات إيصالات حرارية 80 و58 مم، على USB أو الشبكة، بعربي سليم.
- قارئ باركود، درج نقدية، وشاشة لمس. فيه كيبورد وآلة حاسبة على الشاشة.
- ملصقات الميزان: البرنامج بيقرا ملصق الوزن أو السعر ويحسب الكمية.
أسئلة عن الكاشير
برنامج الكاشير بيشتغل من غير نت؟
أيوه. البرنامج والبيانات على الجهاز الرئيسي في المحل، والبيع مش محتاج إنترنت.
ينفع شاشة لمس صغيرة 1024 × 768؟
أيوه. الشاشة بتتظبط على أي مقاس من 1024 × 768 وطالع، وحجم الخط يتكبر ويتصغر لكل موظف.
الكاشير يقدر يمسح فاتورة؟
لأ. الفاتورة بعد ما تتحفظ ما بتتمسحش ولا بتتعدل، بتتعمل لها مرتجع متسجل باسم اللي عمله.
جرّب رواج 14 يوم
بكل الأجزاء، على جهازك، ببياناتك أنت.